მომსახურება

სს „თელასის" ქოლ-ცენტრს შეგიძლიათ დაუკავშირდეთ ნომერზე: 
+995 (32) 277 99 99.
 

სს “თელასის" ელექტრონული ფოსტის მისამართია: telasi@telasi.ge

სს ,,თელასის" ბიზნეს-ცენტრებში, ცენტალურ ოფისში ან ელექტრონულ ფოსტაზე telasi@telasi.ge

სს „თელასის“ ბიზნეს ცენტრებში შესაძლებელია შემდეგი ტექნიკური მომსახურების მიღება: მრიცხველის ჩვენებების გადამოწმება, ექსპლუატაციის ადგილზე მრიცხველის შემოწმება, დროებითი მიერთება, დაზიანების/ტექნიკური პრობლემის ადგილზე აღმოფხვრა მომხმარებლის შიდა ქსელამდე.

 ბიზნეს ცენტრების მისამართი იხილეთ აქ

თუ ძაბვის ხარისხის სტანდარტთან შეუსაბამობის გამო მომხმარებელს მიადგა ზარალი, აბონენტმა წერილობით უნდა მიმართოს კომპანია ,,თელასს" და წარადგინოს შესაბამისი დოკუმენტაცია:

1. დოკუმენტაცია, რომელიც ადასტურებს დაზიანებულ საგნებზე საკუთრების უფლებას, ხოლო ასეთის არარსებობის შემთხვევაში - დოკუმენტი, რომელიც ადასტურებს საკუთრების უფლებას უძრავ ქონებაზე (ამონაწერი საჯარო რეესტრიდან), რომელიც დაადასტურებს ფაქტს, რომ სათავსო, სადაც განთავსებული იყო ეს საგნები, წარმოადგენს განმცხადებლის საკუთრებას.
2. შესაბამისი ნებართვის/ლიცენზიის მქონე საექსპერტო/აუდიტორული დაწესებულების დასკვნა (სასურველია ექსპერტიზის ეროვნული ბიურო), რომელშიც აღნიშნული იქნება ნივთების დაზიანების გამომწვევი მიზეზების შესახებ.
3. იმ შემთხვევაში თუ დაზიანებული ნივთი ექვემდებარება აღდგენას, დასკვნაში მითითებული უნდა იყოს აღდგენის ღირებულების შესახებ.
4. განმცხადებლის მიერ დაზიანებული ნივთის საკუთარი სახსრებით აღდგენის შემთხვევაში, დასკვნასთან ერთად წარმოდგენილი უნდა იქნას გადახდის დამადასტურებელი სალარო აპარატის ქვითარი.
5. იმ შემთხვევაში, თუ დაზიანებული ნივთი აღდგენას არ ექვემდებარება, დასკვნაში აღნიშნული უნდა იყოს ამ კონკრეტული გარემოების შესახებ, ასეთ შემთხვევაში დასკვნაში მითითებული უნდა იყოს დაზიანებული ნივთის საბაზრო ღირებულება (თანხა, რაც საჭიროა იდენტური ნივთის შესაძენად).

მოთხოვნილი დოკუმენტაციის მიწოდების შემდეგ მიღებული იქნება საბოლოო გადაწყვეტილება განაცხადში მითითებულ საკითხთან დაკავშირებით.

განცხადების განხილვას სჭირდება 10 სამუშაო დღე. 

მრიცხველის შემოწმება ხორციელდება მომხმარებლის განცხადების საფუძველზე. განაცხადების შეტანა შესაძლებელია პირადი კაბინეტის საშუალებით, ელექტრონული ფოსტით telasi@telasi.ge, ასევე განცხადების წარდგენა შესაძლებელია სს „თელასის“ ბიზნეს ცენტრებში. მრიცხველის შემოწმება ხორციელდება ექსპლუატაციის ადგილზე, ან სს „თელასის“ ლაბორატორიაში.

სს „თელასის“ წინაშე საკუთარი დავალიანების რესტრუქტურიზაციის მიზნით, მომხმარებელს შეუძლია მიმართოს კომპანიას პირადი კაბინეტის საშუალებით, ელექტრონული ფოსტით telais@telasi.ge, ან მიმართოს სს „თელასის“ ბიზნეს-ცენტრებს.

ჩართვის მომსახურების საფასურის დარიცხვა ხორციელდება ქვითარში მითითებული კომუნალური ხარჯების გადახდის ვადების დარღვევის და ელექტროენერგიის მიწოდების შეწყვეტის შემთხვევაში.

იმისათვის რომ ისარგებლოთ პირადი კაბინეტით, უნდა გაიაროთ რეგისტრაცია მოცემულ ლინკზე გადასვლისას http://my.telasi.ge/ და მიყვეთ ინსტრუქციას.

ერთი ახალი მომხმარებლის შემთხვევაში მრიცხველი მონტაჟდება მომხმარებლის საკუთრებაში/სარგებლობაში არსებული მიწის ნაკვეთიდან 20 მეტრის რადიუსში, ხოლო ორი ან ორზე მეტი მომხმარებლის შემთხვევაში განისაზღვრება საპროექტო დოკუმენტით, სს "თელასისთვის" გამოყოფილ ტერიტორიაზე, სადაც დაცული იქნება ტექნიკური უსაფრთხოების ნორმები, შესაძლებელი  იქნება ელექტრომეურნეობასთან და აღრიცხვის კვანძთან  მისვლა შეუფერხებლად.

წყალმომარაგების ან დასუფთავების დავალიანების შესახებ ქაღალდის ქვითრის მისაღებად მომხმარებელმა წერილობით უნდა მიმართოს სს „თელასს“ პირადი კაბინეტის, ელექტრონული ფოსტის telasi@telasi.ge საშუალებით, ასევე  მომხმარებელს შეუძლია წერილობით მიმართოს  სს „თელასის“ ბიზნეს ცენტრებს.

არსებული მრიცხველის "ჭკვიანი" მრიცხველით ჩანაცვლება მიერთების მსურველს შეუძლია შესაბამისი განაცხადის შევსებითა და შესაბამისი საფასურის გადახდით, რომელიც  განისაზღვრება სემეკ-ის 2021 წლის  28 ივნისის #19 დადგენილების დანართით #4.

"ჭკვიანი" მრიცხველით მომსახურება განაპირობებს მოხმარებული ელ.ენერგიის ოდენობის უზუსტობის დაყვანას მინიმუმადე. "ჭკვიანი" მრიცხველით მომსახურება მარტივდება და ხორციელდება უფრო ოპერატიულად.   შესაბამისი ღირებულების (300 ლარი) გადახდის შემთხვევაში აბონენტს შეუძლია დაიდგას "ჭკვიანი" მრიცხველი. 

სმს მომსახურების გააქტიურების მიზნით, პირადი მობილური ტელეფონიდან უნდა აკრიფოთ *303# ok და მიყვეთ შესაბამის ინსტრუქციას.

სემეკის 2021 წლის 28 ივნისის #19 დადგენილების  მიხედვით, გამანაწილებელი ქსელის წესების თანახმად,  2021 წლის დეკემბრიდან მრიცხველის ჩვენების დაფიქსირება ხდება ყოველი კალენდარული თვის ბოლო 4 დღის განმავლობაში.

ნებისმიერი განაცხადის გაუქმება ხდება მხოლოდ დამკვეთის წერილობითი მოთხოვნის საფუძველზე.

დამხმარე ფართის შემთხვევაში გადასახდელი თანხა  განისაზღვრება სემეკ-ის 2021 წლის  28 ივნისის #19 დადგენილების დანართების #3 და #4 თანახმად, მოთხოვნილი სიმძლავრისა და ძაბვის შესაბამისად.

სემეკის 2010 წლის 13 ოქტომბრის გადაწყვეტილების #24/3 და სემეკის 2021 წლის 24 ივნისის გადაწყვეტილების #28/3 თანახმად, "ჯორჯიან უოთერ ენდ ფაუერთან" და "თბილსერვის ჯგუფთან" გაფორმებული ხელშეკრულების საფუძველზე, "თელასი" ახორციელებს წყლისა და დასუფთავების გადასახადის სმს-ით დაგზავნას მომხმარებლებთან.

სემეკ-ის მიერ სს „თელასისთვის“ გაცემული ლიცენზიის თანახმად, სს „თელასის“ ფუნქციონალია ელექტროენერგიის განაწილება. ასევე სს „თელასი“ ახორციელებს ელექტრული ქსელის ტექნიკურ მომსახურებას, პასუხისმგებელია ელექტრული ქსელის გამართულ მუშაობაზე, ახორციელებს ქსელზე მომხმარებლის ტექნოლოგიური მიერთების მომსახურებას.

შპს „თელმიკოს“ ფუნქციონალია მომხმარებლისთვის ელექტროენერგიის მიწოდება. ასევე შპს „თელმიკო“ განსაზღვრავს ელექტროენერგიაზე დავალიანებას, დაკავებულია ვალის დაფარვასთან დაკავშირებული საკითხებით და აფორმებს მომხმარებლებთან ხელშეკრულებებს ელექტროენერგიის მიწოდებაზე, მათ შორის შეაქვს ცვლილებები მომხმარებლის რეკვიზიტებში.

ქვეაბონენტის შემთხვევაში გადასახდელი თანხა  განისაზღვრება სემეკ-ის 2021 წლის  28 ივნისის #19 დადგენილების დანართების #3 და #4 თანახმად, მოთხოვნილი სიმძლავრისა და ძაბვის შესაბამისად. 

მრიცხველისა და აღრიცხვის კვანძის აღდგენაზე მისი დაზიანების შემთხვევაში პასუხისმგებელია სს "თელასი", გარკვეული გამონაკლისების გარდა (სააბონენტო სატრანსფორმატორო ქვესადგური, მექანიკური დაზიანება და ა.შ.).

მიერთების ვადაში სამუშაოების დაუსრულებლობის შემთხვევაში მიერთების საფასური ნახევრდება, ვადის განმეორებით გადაცილებისას - ნულდება, ხოლო მესამე და ყოველი შემდგომი გადაცილებისათვის კომპანია ვალდებულია გადაგიხადოთ კომპენსაცია მიერთების საფასურის 50%-ის ოდენობით.

უძრავი ქონების გაყოფის შემთხვევაში, ახალმა მომხმარებელმა სრული ტექნოლოგიური ციკლით მომსახურებისთვის უნდა გადაიხადოს წესების დანართი №4-ით განსაზღვრული "ჭკვიანი" მრიცხველის მოწყობისთვის შეთავაზებული პაკეტის საფასური (სემეკ-ის 2021 წლის  28 ივნისის #19 დადგენილების მე-18 მუხლის მე-2 პუნქტით გათვალისწინებული საფასურის გადახდის პროცედურის შესაბამისად), თუ:

• ადგილი აქვს 0-დან – 10 კვტ-მდე სიმძლავრით მიერთებული უძრავი ქონების ერთი უძრავი ქონებით გამოყოფას და გამოყოფილი უძრავი ქონების მესაკუთრე ითხოვს 0-დან – 10 კვტ სიმძლავრით მიერთებას;
• 10 კვტ მისაერთებელ სიმძლავრეზე მეტი სიმძლავრით მიერთებული მომხმარებლის უძრავი ქონების გაყოფისას არსებობს მხარეთა შორის შეთანხმება სიმძლავრის გაყოფაზე და არსებული სიმძლავრე საკმარისია ძველი და გამოყოფილი ქონების არანაკლებ 10 კვტ სიმძლავრით მომარაგებისთვის;
• შენობა-ნაგებობაში არსებული ერთი ან რამდენიმე უძრავი ქონება მარაგდება ელექტროენერგიით (რეგისტრირებული აბონენტის მეშვეობით), ადგილი აქვს ამ შენობა-ნაგებობაში ახალი ობიექტის გამანაწილებელ ქსელთან ინდივიდუალურად მიერთების მოთხოვნას და ამ ობიექტის არანაკლებ 10 კვტ. სიმძლავრით მომარაგებისთვის საჭიროა მხოლოდ აღრიცხვის კვანძის მოწყობა.“
   

მრიცხველის ჩვენების გადამოწმება "ჭკვიანი" მრიცხველის შემთხვევაში ხდება ელექტრონულად, ხოლო სხვა შემთხვევაში - "თელასის" წარმომადგენელის ადგილზე მისვლით.

შიდა ქსელის მოწყობა დამკვეთის ვალდებულებაა, თუმცა მომხამრებლის სურვილის შემთხვევასი სს“თელასს" აქვს ასეთი სახის მომსახურების საშუალება, რაზედაც ფორმდება შესაბამისი ხელშეკრულება.
 

არარეგულირებულია ახალი მიერთება, თუ ობიექტზე ადგილი აქვს ისეთ მიერთებას, როდესაც განაცხადით მოთხოვნილი სიმძლავრე არ ჯდება რეგულირებული ახალი მიერთების მოთხოვნილ პაკეტებში და ასევე, როცა ობიექტი განაცხადში მითითებული ძაბვის მიხედვით დაშორებულია კომპანიის კუთვნილი გამანაწილებელი ქსელიდან 0,4 კვ ძაბვის ახალი ობიექტის მიერთების შემთხვევაში არაუმეტეს 600 მეტრის მანძილით, ხოლო 6/10 კვ ძაბვის ახალი ობიექტის მიერთების შემთხვევაში არაუმეტეს 6 კმ-ისა.

მრიცხველი არის სს „თელასის" საკუთრება.

დროებითი მიერთების მოთხოვნა შესაძლებებლია როგორც სტანდარტული ასევე არასტანდარტული ფორმით.
სტანდარტული მიერთების მოთხოვნის შემთხვევაში მიერთების მსურველს სასურველი ინფორმაციის მიღება შეუძლია ვებგვერდის www.telasi.ge მეშვეობით სადაც მოცემულია განაცხადის ფორმა, ვადები და საფასური.
სრულად შევსებული განაცხადისა და საფასურის გადახდის შემდეგ სს “თელასი“ ვალდებულია 2 სამუშაო დღის ვადაში განიხილოს განაცხადი და მიიღოს გადაწყბეტილება მოთხოვნის სრული ტექნოლოგიური ციკლით დაკმაყოფილების შესახებ.
არასტანდარტული დროებითი მიერთების მოთხოვნაზე ტექნიკური პირობის გაცემა ხორციელდება მხარეებს შორის ურთიერთშეთანხმებით, რომელსაც მიერთების მსურველი განახორციელებს საკუთარი ხარჯებით.
 

ელექტროენერგიაზე მომუშავე ავტონომიური გადაადგილების საშუალებების დამტენი სადგურების გამანაწილებელ ქსელთან მიერთება ხდება შესაბამისი განავხადის ფორმის შევსებით და ყველა სავალდებულო დოკუმენტის წარმოდგენის საფუძველზე.
ელექტროენერგიაზე მომუშავე ავტონომიური გადაადგილების საშუალებების დამტენი პუნქტის/სადგურის (შემდგომში როგორც: დამტენი სადგური) გამანაწილებელ ქსელთან მიერთების ამ მუხლით განსაზღვრული პირობები ვრცელდება, მხოლოდ იმ დამტენი მოწყობილობების გამანაწილებელ ქსელთან მიერთებაზე, რომლის სარგებლობაც არ იზღუდება პირთა წრისთვის და არ არის განკუთვნილი მხოლოდ პირადი სარგებლობისთვის.
0.4 კვ. (380/220 ვ) და 6/10 კვ. ძაბვაზე დამტენი სადგურის გამანაწილებელ ქსელთან მიერთების საფასური წარმოადგენს ახალი ობიექტის გამანაწილებელ ქსელთან მიერთების საფასურის 50%-ს, შეთავაზებული პაკეტების მიხედვით.
 

მიკროსიმძლავრის ელექტროსადგურის მიერთების ღირებულება და  ვადები განისაზღვრება სემეკ-ის 2021 წლის  28 ივნისის #19 დადგენილების დანართით #4.
მომხმარებელთა ჯგუფი ეს არიან მომხმარებლები, რომელთა მფლობელობაში არსებობს მიკროსიმძლავრის ელექტროსადგური.  მომხმარებელი ან მომხმარებელთა ჯგუფი და მიკროსიმძლავრის ელექტროსადგური უნდა იყვნენ ერთი და იმავე სისტემის ოპერატორის ქსელთან მიერთებული.
 

მსურველმა გამანაწილებელ ქსელზე მიერთების მოთხოვნით შეიძლება მიმართოს სს „თელასის" როგორც ელექტრონულად ასევე წერილობით. 

იმისათვის, რომ გახდეთ სს „თელასის" აბონენტი, აუცილებელია შეავსოთ თქვენთვის საჭირო განაცხადის ფორმა და დაურთოთ სავალდებულო დოკუმენტები. ამისათვის კი კომპანია გთავაზობთ რეგისტრაციის ქვემოთ ჩამოთვლილი საშუალებებიდან აირჩიოთ თქვენთვის მისაღები და კომფორტული ვარიანტი:

1. სს „თელასის" ვებ-გვერდზე http://my.telasi.ge/ გაიარეთ რეგისტრაცია და მიყევით მოცემულ ინსტრუქციას;
2. სს „თელასის" ნებისმიერ ბიზნეს ცენტრში (მისამართების ჩამონათვალი სასურველია იყოს მითითებული ვებგვერდზე) ჩვენი ოპერატორები დაგეხმარებიან თქვენთვის საჭირო განაცხადის შევსებაში;
3. სს „თელასის" ვებ-გვერდიდან telasi.ge ჩამოტვირთეთ თქვენთვის საჭირო განაცხადის ფორმა და შევსებული განაცხადი გააგზავნეთ კომპანიაში სს „თელასის" ელექტრონული ფოსტის მისამართზე: telasi@telasi.ge

სრულყოფილი მომსახურების მიღებისთვის სავალდებულო დოკუმენტაციის ჩამონათვალი:

1. ამონაწერი საჯარო რეესტრიდან;
2. პირადობის დამადასტურებელი მოწმობის ასლი;
3. მომსახურების საფასურის არანაკლებ 50%-ისა და არაუმეტეს 100%-ის გადახდის დამადასტურებელი საბუთი;
4. უძრავი ქონებით დროებით სარგებლობის შემთხვევაში, ამ უძრავი ქონების მესაკუთრის წერილობითი თანხმობა;
5. მინდობილი პირის შემთხვევაში მინდობილობის დამადასტურებელი საბუთი;
6. და სხვა დოკუმენტები საჭიროების შემთხვევაში კონკრეტული განაცხადის შესაბამისად.

იმ შემთხვევაში თუ მომხმარებელს არ აქვს ინტერნეტით სარგებლობის საშუალება მან უნდა მიმართოს სს „თელასის" ცენტრალურ ოფისს ან ბიზნეს ცენტრს, სადაც მომსახურების ოპერატორი განუმარტავს მიერთების პროცედურას და დაეხმარება განაცხადის შევსებაში.
 

ნეტო-აღრიცხვა არის მიკროსიმძლავრის ელექტროსადგურის მიერ გამომუშავებული  და ქსელიდან მიღებული ელექტროენერგიის ქსელში გადადინების ორმხრივი (რევერსული) აღრიცხვა, როდესაც გამანაწილებელ ელექტროქსელში მიწოდებული და გამანაწილებელი ელექტროქსელიდან მიღებული ელექტროენერგიის ღირებულება აღირიცხება ელექტროენერგიაზე ანგარიშის წაყენებისას. 

რევერსული მრიცხველი არის მრიცხველი, რომელიც აღრიცხავს მიღებულ და გაცემულ ელექტროენერგიას.

• თუ გაზრდილი (მოთხოვნილი) სიმძლავრე ან/და მოთხოვნილი ძაბვის საფეხური გადადის გამანაწილებელ ქსელთან ახალი ობიექტის მიერთების სხვა შეთავაზებულ პაკეტში, მომხმარებელმა უნდა გადაიხადოს მოთხოვნილი პაკეტის საფასურს გამოკლებული ობიექტის არსებული სიმძლავრის პაკეტის საფასური. 
• თუ მოთხოვნილი სიმძლავრე არ სცილდება გამანაწილებელ ქსელთან ახალი ობიექტის მიერთების იმ შეთავაზებული პაკეტის ფარგლებს, რომელსაც შეესაბამება მომხმარებლის არსებული მიერთების ტექნიკური პირობით განსაზღვრული მისაერთებელი სიმძლავრე:
• მოთხოვნილი სიმძლავრის მისაწოდებლად საჭიროა სისტემის ოპერატორის მიერ ამ მომხმარებელთან დამაკავშირებელი ელექტრული ქსელისა და აღრიცხვის კვანძის რეკონსტრუქცია ან/და სხვა მოწყობილობების შეძენა, მშენებლობა და დამონტაჟება, მომხმარებელმა უნდა გადაიხადოს საფასური, რომელიც იანგარიშება ყოველ კვტ-ისთვის, გამანაწილებელ ქსელთან ახალი ობიექტის მიერთების შესაბამისი მისაერთებელი შეთავაზებული პაკეტის საფასური გაყოფილი ამ პაკეტის მაქსიმალურ სიმძლავრეზე და გამრავლებული მომხმარებლის მიერ დამატებით მოთხოვნილ კვტ-ებზე;
• თუ მომხმარებლის მიერ მოთხოვნილი სიმძლავრის მიწოდება არ საჭიროებს მომხმარებელთან დამაკავშირებელი ელექტრული ქსელისა და აღრიცხვის კვანძის რეკონსტრუქციას ან/და სხვა მოწყობილობების შეძენას, მშენებლობასა და დამონტაჟებას მომხმარებლის მიერ საფასურის გადახდა არ ხდება
   

მრავალბინიანი (ერთზე მეტი ) საცხოვრებელი სახლის შემთხვევაში მიერთების მსურველი გარდა აუცილებელი დოკუმენტაციისა ვალდებულია წარმოადგინოს:

• შეავსოს მისთვის დამტკიცებული განაცხადის ფორმა (სადაც უნდა მიექცეს ყურადღება რომ აუცილებელია საკადასტრო კოდზე განშლა იყოს განხორციელებული);
• განახორციელოს მიერთების საფასურის 100%-იანი გადახადა (საფასური შედგება - პაკეტის ღირებულებას დამატებული სასურველი მრიცხველების რაოდენობის ნამრავლი სემეკ-ის 2021 წლის  28 ივნისის #19 დადგენილების დანართით #4 გათვალისწინებულ საფასურზე სიმძლავრის შესაბამისად);
• შიდა ელექტრომომარაგების პროექტი, რომლითაც განსაზღვრული იქნება ობიექტის ქსელზე მისაერთებელი სიმძლავრე.;

ახალი მომხმარებლის ქსელზე მიერთების საფასური და მიერთების ვადები განისაზღვრება სემეკ-ის 2021 წლის  28 ივნისის #19 დადგენილების დანართი #2 თანახმად, მოთხოვნილი სიმძლავრისა და ძაბვის შესაბამისად. 

მიერთების სახეობის არჩევის შემდეგ აუცილებელია შემდეგი დოკუმენტების ასლების წარდგენა:

• ამონაწერი საჯარო რეესტრიდან;
• ახალი მომხმარებლის მიერთების საფასურის 50%-ის გადახდის დამადასტურებელი საბუთი;
• პირადობის დამადასტურებელი მოწმობის ასლი;
• მომხმარებლის საბანკო რეკვიზიტები;
• უძრავი ქონებით დროებით სარგებლობის შემთხვევაში, ამ უძრავი ქონების მესაკუთრის წერილობითი თანხმობა;
• ან სხვა დამატებითი დოკუმენტაცია რომელიც დაეხმარება მსურველს მისი მიერთებისთვის საჭირო მომსახურების მიღებას.

მომხმარებელი რეგისტრირდება სს „თელასის" პორტალზე http://my.telasi.ge/ და მიყვება პორტალზე არსებულ განაცხადის შევსების ინსტრუქციას.