სს „თელასი“ აცხადებს ვაკანსიას კაპიტალური მშენებლობისა და საინვესტიციო საქმიანობის სამსახურის, მომხმარებელთა მომსახურების და ახალი მიერთების პროცესების კოორდინაციის განყოფილების სემეკთან ურთიერთობის მთავარი სპეციალისტის თანამდებობაზე

თანამდებობრივი მოთხოვნები:

• უმაღლესი იურიდიული განათლება (სასურველია მაგისტრის ხარისხი);

• კომპანიის ინტერესების დაცვა სემეკში, სასამართლოსა და სხვა ნებისმიერი ადმინისტრაციული ორგანოს წინაშე;

• ნორმატიული აქტების ცოდნა, მათ შორის: სემეკის, საქართველოს მთავრობის და ქ. თბილისის მერიის დადგენილებების, ორგანიზაციულ-განკარგულებითი დოკუმენტების, რომლებიც არეგულირებენ სამსახურის საქმიანობის სფეროს;

• საზოგადოების ბრძანებების შესრულება სემეკთან ურთიერთობასა და ახალი მიერთების პროცესებთან დაკავშირებით;

• შრომის შინაგანაწესის, შრომის უსაფრთხოების ტექნიკისა და სახანძრო უსაფრთხოების წესების დაცვა;

• კომპიუტერული პროგრამების ცოდნა (Excel, Word, Power Point);

• უცხო ენების (ინგლისური, რუსული) ფლობა;

თანამდებობრივი მოვალეობები:

• წერილობითი პასუხების მომზადება მომხმარებლების, სემეკის, სემეკთან არსებული მომხმარებელთა ინტერესების საზოგადოებრივი დამცველის სამსახურის წერილობითი პრეტენზიების/საჩივრების/განცხადებების პასუხად.
• სემეკთან ურთიერთქმედება, როგორც წერილობითი კომუნიკაციის ფორმით, ასევე ადმინისტრაციულ სამართლებრივი აქტის გამოცემის მიზნით, სემეკში გამართულ ადმინისტრაციულ წარმოებაში მონაწილეობით.
• ფიზიკური და იურიდიული პირებისაგან, ასევე ნებისმიერი კერძო თუ საჯარო დაწესებულებიდან (ადმინისტრაციული ორგანოდან) შემოსული განცხადებების (პრეტენზიების) დადგენილ ვადებში განხილვა და წერილობითი პასუხების მომზადება.

• საზოგადოების შიდა ნორმატიული აქტებით განსაზღვრული სამუშაო პროცესთან დაკავშირებული მოთხოვნების დაცვა;

• მარეგულირებელი კომისიის მიერ დამტკიცებული საკანონმდებლო ცვლილებების შესახებ საზოგადოების ინფორმირება და შიდა ნორმატიულ აქტებში შესატანი ცვლილებების შესახებ წინადადებების წარდგენა;

• კომპანიის შიდა სამართლებრივი აქტების პროექტების შემუშავება ახალი მომხმარებლების ქსელზე მიერთების საკითხებთან დაკავშირებით;

• გენერალურ მენარდესთან ურთიერთობა სემეკის მიერ დადგენილი მიერთების ვადების დაცვის საკითხებში.

კონკურსში მონაწილეობის მსურველებმა უნდა გამოაგზავნონ პირადი ინფორმაცია ელ. ფოსტით vakansia@telasi.ge 2026 წლის 19 სექტემბრის ჩათვლით აუცილებლად ქართულ და რუსულ ენებზე. სათაურში გთხოვთ მიუთითოთ თანამდებობა.