ელექტროსადგურის მიერთება
ერთი არსებული მომხმარებელი
ერთი არსებული მომხმარებელი
მომხმარებელი, რომელიც უკვე მიერთებულია გამანაწილებელ ქსელზე და მოიხმარს ელ.ენერგიას და მას უფლება აქვს თავისი შიდა ქსელის გავლით მიაწოდოს მის მფლობელობაში არსებული მიკროსიმძლავრის ელექტროსადგურის მიერ წარმოებული ელექტროენერგია გამანაწილებელ ქსელს.
იმ შემთხვევაში, თუ გაქვთ სურვილი გახდეთ სს „თელასის“ ქსელში არსებული მიკროსიმძლავრის ელექტროსადგურის მიერ წარმოებული ელექტროენერგიის მომხმარებელი, ამისათვის სავალდებულოა გაიაროთ რეგისტრაცია სს „თელასის“ ვებგვერდზე http://my.telasi.ge/. დააწკაპუნებთ ფანჯარაზე „მომსახურება“, რომლის ჩამოსაშლელ ველში აირჩევთ „გახდი აბონენტი“, ხოლო ამ უკანასკნელის გახსნის შემდეგ აირჩევთ „ქსელზე მიკროსიმძლავრის ელექტროსადგურის მიერთებას“, ხოლო შემდეგ აირჩევთ ველს „ერთი არსებული მომხმარებელი“, სადაც ნახავთ მომსახურების საფასურს, მიერთების ვადებს და სემეკ-ის მიერ დამტკიცებულ განაცხადის ფორმას, რომლის ყველა ველის შევსება სავალდებულოა. სრულყოფილად შევსებულ განაცხადს გთხოვთ, დაურთოთ აუცილებელი დოკუმენტაცია და მიერთების საფასურის გადახდის დამადასტურებელი საგადახდო დავალება. ამის შემდეგ მოგეცემათ აღნიშნული განაცხადის სს „თელასში“ გადმოგზავნის საშუალება და მოხდება თქვენი განაცხადის წარმოებაში მიღება.
ერთი არსებული მომხმარებლის ქსელზე მიკროსიმძლავრის ელექტროსადგურის მიერთების პროცედურებს არეგულირებს სემეკის 2021 წლის 28 ივნისის N19 დადგენილების 21-ე და 22-ე მუხლები. ხოლო ამ მიერთების განაცხადის ფორმაა: „გამანაწილებელ ქსელთან მიკროსიმძლავრის ელექტროსადგურის მიერთების მოთხოვნის შესახებ“.
აღრიცხვის კვანძის მოწყობის ვადები და საფასური
მრავალფუნქციური ელექტრონული მრიცხველების ჩამონათვალი:
- CE308 S34.746.OG.QYUVLFZ GS01 - 5(100) A, 3x230/400V, 50Hz, სამფაზა ელექტრონული მრიცხველი, სიზუსტის კლასი 1.
- CE208 S7.846.2.OG.QYUVFLZ GS01 - 5(100) A, 3x230V, 50Hz, ერთფაზა ელექტრონული მრიცხველი, სიზუსტის კლასი 1.
მრიცხველები შეტანილია საქართველოში დაკანონებულ გაზომვის საშუალებების ტიპების რეესტრში, სერტიფიკატი №005-16-TR, 23.05.2016 წ. და სერტიფიკატი №009-16-TR, 10.10.2016 წ.