კომპანია

„თელასი“ ახორციელებს ელექტრული ქსელის ტექნიკური გადაიარაღების და მოდერნიზაციის სამუშაოებს. ძირითადი ყურადღება ეთმობა გამანაწილებელი ქსელის ტექნიკური თვალსაზრისით ყველაზე  მოწყვლად სეგმენტებს. პრიორიტეტული ამოცანაა ტექნიკური დარღვევების რაოდენობის მინიმუმამდე დაყვანა და ელექტროენერგიის დანაკარგების მნიშვნელოვანი შემცირება.

კომპანიის საკუთრებაში 36 მადაბლებელი ქვესადგური 35/110 კვ და 2 305 სატრანსფორმატორო ქვესადგური 10/6/0,4 კვ.

დედაქალაქის ელექტრული ქსელის საერთო სიგრძეა 7153 კმ.

 კომპანია აწვდის ელექტროენერგიის ტრანზიტის მომსახურებას, აბონენტების ტექნიკურ მომსახურებას, ასევე ახორციელებს თბილისში წყალმომარაგებისა და დასუფთავების ერთიანი ინტეგრირებული და კოორდინირებული  სისტემის ადმინისტრირებას.

მომხმარებელთა მომსახურება და ელექტრული ქსელების ექსპლუატაცია ხორციელდება 8 ბიზნეს ცენტრის მეშვეობით, რომლებიც განთავსებულია ქალაქის ყველა ადმინისტრაციულ რაიონში. კომპანიის მომხმარებელთა რიცხვი შეადგენს 780 ათასს. 

ამჟამად, კომპანიაში დასაქმებულია 1895 ადამიანი.

„თელასის“ საქმიანობის ძირითადი სახეობებია: ელექტროენერგიის ტრანსპორტირება; თბილისის ელექროგამანაწილებელი ქსელის მომსახურება; ექსპლუატაცია, რეკონსტრუქცია, მოდერნიზაცია და გაფართოება ელექტროენერგეტიკული სისტემის ეფექტური ფუნქციონირების უზრუნველყოფის მიზნით. კომპანია აწვდის ელექტროენერგიის ტრანზიტის მომსახურებას, აბონენტების ტექნიკურ მომსახურებას, ასევე ახორციელებს თბილისში წყალმომარაგებისა და დასუფთავების ერთიანი ინტეგრირებული და კოორდინირებული  სისტემის ადმინისტრირებას.

სს „თელასი“ ერთ-ერთი უმსხვილესი ქსელური კომპანიაა საქართველოში, რომელიც ახორციელებს ელექტროენერგიის განაწილებას თბილისში. დედაქალაქში ელექტროენერგიის ყოველწლიური მოხმარება შეადგენს დაახლოებით 3 მლრდ კვტ/სთ-ს.