"Fact Check"-ის მიერ გავრცელებული ინფორმაცია იმის შესახებ, რომ ბოლო წლებში თბილისში ელექტროენერგიის გათიშვების რიცხვმა იმატა, სიმართლეს არ შეესაბამება.

კომპანია "თელასი" აცხადებს, რომ ბოლო წლების მანძილზე მის ქსელში ავარიული გათიშვების რიცხვი კლებულობს, რის დასტურადაც წარმოგიდგენთ SAIFI-ს სისტემის მონაცემებს.

SAIFI-ს სისტემა მომსახურების ხარისხის შეფასებისთვის გამოიყენება და წარმოადგენს მაჩვენებელს, რომელიც საშუალოდ ერთ აბონენტზე გათიშვების სიხშირეს ადგენს.

წელი	2011	2012	2013	2014	2015
შიდა არაგეგმიური	3.069	1.653	1.411	1.166	1.080
შიდა გეგმიური	0.461	0.731	0.835	0.815	0.960

რაც შეეხება, "Fact Check"-ის მასალას, მასში მოყვანილ მონაცემებში უზუსტობაა დაშვებული. კერძოდ, SAIFI-ის სისტემით გამოთვლა შესაძლებელია ორი განსხვავებული მეთოდით. "Fact Check"-ის  მიერ წარმოდგენილ ცხრილში 2011-2014 წლების მონაცემები, რომელიც დათვლილია ერთი მეთოდით, არის შედარებული 2015 წლის მონაცემებთან, რომელიც დათვლილია მეორე მეთოდით, რაც არის ყოვლად დაუშვებელი.