კომპანია „თელასმა“ 2023 წლის 9 თვის ოპერაციული მაჩვენებლები გამოაქვეყნა.

მაჩვენებელი	2023წლის 9 თვე	2022წლის  9 თვე	+/-
ელექტროგადამცემი ხაზების საერთო სიგრძე, კმ	6 796	6572	+3,4%
ქსელში გაშვებული ელექტროენერგია, მლრდ კვტ*სთ	2,595	2,421	+7,2%
მომხმარებელთა რაოდენობა, ათას	744,5	719,6	+3,5%

2023 წლის იანვარ-სექტემბერში კომპანია „თელასმა“ 2,595 მილიარდი კვტ*სთ ელექტროენერგია გაანაწილა, რაც 7,2% (174 მილიონი კვტ*სთ-ით) აღემატება 2022 წლის იანვარ-სექტემბერში განაწილებული ელექტროენერგიის მოცულობას. აღნიშნული მატება ქვეყანაში ეკონომიკური აქტივობის და ახალი აბონენტთა რაოდენობის ზრდამ განაპირობა.

სს „თელასი“-ს აბონენტთა რაოდენობა 2023 წლის სექტემბრის თვის მდგომარეობით 2022 წლის ამავე პერიოდთან შედარებით 3,5%-ით (24,9 ათასი აბონენტით) გაიზარდა და 744,5 ათასი აბონენტი შეადგინა, საიდანაც 667,8 ათასი  - ფიზიკური პირია, ხოლო 76,7 ათასი – იურიდიური პირი. 

2023 წლის 9 თვის მონაცემებით კომპანიის ელექტროგადამცემი ხაზების საერთო სიგრძემ 6 796 კმ შეადგინა, რაც 3,4%-ით (224 კმ-ით) აღემატება 2022 წლის 9 თვის მაჩვენებელს (6 572 კმ). კომპანიის ელექტროგადამცემი ხაზების საერთო სიგრძე ქსელის განვითარების, რეკონსტრუქციის და მოდერნიზების სამუშაოების ჩატარების შედეგად გაიზარდა.